Bess klúbburinn er nú eitthvað að detta niður, það er ekki búin að vera bess hittingur í nokkra mánuði!

 Ég sé Söndru aldrei! Elínu örsjaldan í skólanum og Svövu eiginlega aldrei heldur. Mér finnst að við verðum að gera eitthvað í því. Hvað segið þið um að fara bara í bíó saman á fimmtudaginn eða eitthvað?

 Annars er það að frétta af mér að ég er komin með bílpróf fékk það á mánudaginn og fékk bara 2 mínusa í prófinu ofsaökumaður!

Svo er ég byrjuð að æfa í kópavogi með breiðablik sem er ótrúlega fínt og ég ætla að bæta mig helling næsta keppnistímabili

Og ég og Helgi förum alveg að eiga 6.mánaða afmæli, á næsta mánudag Og það gengur allt frábærlega hjá okkur

En endilega látið mig vita ef þið eruð til í einhvern hitting!

H92XupTqcmWuM:http://www.smile.com.vu/Images/logosmile2-copy.gif" width="113">

 kv.Brynja

Það er nú reyndar ekki morgun en mér langaði að hafa þetta. Það er núna komin 20 september og mér finnst ég hafa byrjað í skólanum í gær. Þetta líður allt alltof hratt. Áður en að ég veit af verð ég stúdent, komin með börn og farin á elliheimili. Ég er að fara í próf eftir 3 vikur - stress.

Í gær setti ég persónulegtmet í heimalærdómi. Ég lærði frá um 4 - 10 (auðvitað með smá MSN-pásum og svona). Ég þurfti að klára 200 blaðsíðna bók, We all fall down, sem er ekki með skemmtilegustu bókum sem ég hef lesið. Þar sem ég ákvað að trassa þessa bók svoldið þurfti ég að lesa 150 bls í gær. Svo var líka heimavinna í þjóðhagfræði og stærðfræði. 'stolt'

Í gær fór ég í 900 m prófið í Verzló og þegar að ég kom heim hélt ég að ég myndi ekki hætta að hósta. Ég hata hálsbólgu, ég er búin að vera með hálsbólgu, kvef, hósta og þetta í 2 vikur og ég er að verða geðveik!

En hvað var um næsta bess hitting?
Ég skal hafa einhvern tímann innan viku ef stemmarinn er fyrir því.

Ég ætlaði bara að henda inn smá bloggi því mér fannst Svava búin að vera dugleg. 2 blogg í röð, gerist ekki oft á þessari síðu skal ég segja ykkur.

En þetta er komið gott, sjáumst

kv. Elín Ösp 

p.s afhverju get ég ekki gert liti?

Ég og Sandra skelltum okkur í bæinn áðan. Kíktum fyrst í Ikea og síðan í Kringluna. Þar löbbuðum við, löbbuðum við, löbbuðum við og urðum ekkert smá þreytar (allavega ég). Fórum líka á á kaffihús sem var virkilega nice. Síðan tókum við stærdó heim. Like old times.

Yndislegur dagur
Takk fyrir mig

P.s. Sandra, endilega bættu einhverju við þetta ef þú nennir

P.s.2. Einhver að blogga bráðlega..

Var að láta myndir úr símanum á netið. Ef vilji er fyrir hendi er hægt að skoða þær hér.

Bæjó frá Svövu Lind

Haha ég er farin að vorkenna pabba mínum. Fyrst eyðilegg ég klóstið heima, þannig pabbi þarf að tæta það allt í sundur og laga það (er samt ekki búinn að því). Voða mikið vesen eins og hann sagði. Og síðan á leiðinni í vinnuna á morgun sagði Jökull honum að það væri alveg nóg bensín á bílnum (þótt gula ljósið væri komið upp). Eftir að pabbi er búinn að skutla Jökli í skólann verður hann svo bensínlaus. Grey karlinn. Þurfti þá bara að gjöra svo vel að koma sér út í kuldann og rölta á næstu bensínstöð. Hvurslags börn sem maðurinn á.

En að öðru.

Afmælið hennar Söndru var haldið með pompi og prakt laugardaginn seinasta, 9. september og þá átti Sandra b.t.w. afmæli. Ég hef sagt það áður og segi það aftur TIL HAMINGJU!

En allavega. Sandra bauð okkur að sjálfsögðu heim í yndælan mat þar sem hún er nú kokkanemi. Kjúklingur og kampavín með fyrir þá sem vildu. Yndælt. Svo sannarlega. Ég og Brynja urðum samferða og þegar við komum er Elín þegar komin. Við þurftum að bíða nokkuð lengi eftir hinum en á endanum komu þær og þá var sko borðað. Svo var kaka, afmælissöngur og að lokum Robbie Williams tónleikar. Næst héldum við allar í "partý" til stelpu sem heitir Heiða og vinkonu hennar. Allar nema Brynja reyndar. Linsurnar voru byrjaðar að vera óþæginlegar og hún þreytt og svona svo hún skaust bara heim. Úr partíinu héldum við í bæinn. Þar skildi Elín við okkur, þar sem henni þótti of snemmt til að fara í bæinn og fór í e-ð partý. Svo dönsuðum við af okkur fæturnar og vorum geðveikt hressar. Elín kom aftur og þá með vinkonu sína með sér og sá ég ekki mikið meira af henni um kvöldið.

Allavega þetta var rosa stuð. Fyrir utan að ég var alveg eftir mig eftir þetta daginn eftir.

Takk fyrir mig.



 

30.ágúst 2006

Seinast var bloggað á þessari síðu 8. ágúst, fyrir bráðum mánuði. Ég er ekki frá því að þessi síða sé að lognast út af smátt og smátt ef við förum ekki að gera neitt í þessu. Ég veit ekki alveg hvað við ættum að gera þar sem að við hittumst nánast aldrei. Ég hitti Svövu seinast áður en að ég fór út en við ætlum að laga það í kvöld og hittast þá, ég er ekki búin að sjá Söndru síðan ég veit ekki hvenær og ég þakka fyrir að vera með Brynju í skóla bara til að sjá hana og segja "hæ", annars myndi ég aldrei sjá hana.

Ég er með svoldið sorglegar fréttir handa ykkur sem ekki vitið; Ég er hætt að æfa frjálsar. Ég er komin með algjerlega ógeð af þessu, búin að æfa þetta í 8 ár og hreinlega get ekki meira! Ekki það að þið séuð leiðileg sem æfið með mér, mig langar bara að gera eitthvað annað sem tekur ekki svona rosalegan tíma og hentar mér betur. Þess vegna ætla ég að fara á eftir og kaupa mér árskort í toppform og vera dugleg að mæta í tímana þar. Þannig þið þurfið ekkert að örvænta þó ég hætti, ég verð samt þarna niðrí íþróttahúsi og kem að heilsa upp á ykkur í frjálsum annað slagið.

En núna er skólinn kominn á fullt og er búin að vera það í viku. Mér finnst rosalega gaman í skólanum eitthvað núna. Ég er með ágæta stundartöflu og fína kennara í öllu nema stærðfræði, sú er týnd. Busaballið er 14. september, alltaf jafn gaman að fara á svona böll.

En ég kom heim frá tyrklandi fyrir viku og liturinn er eilega allur farinn. Öll fyrirhöfnin fyrir þessu, sólbað í 3 tíma á dag ef ekki meira og þetta dugði í viku! Núna er ég bara svona útitekin. En það var æði á tyrklandi, við gerðum eitt og annað t.d. köfun. Það var rosaleg upplifun, kafa bara með fiskunum og gefa þeim að borða. Þetta er svoldið skrítið þú sérð bara risastórt blátt og fullt af fiskum og getur bara andað! Þetta er eitt af því skemmtilegasta sem að ég hef gert. Þið getið séð myndir frá Tyrklandi á hinni heimasíðunni minni http://www.blog.central.is/musur  

En ég ætla að fara niðrí íþróttahús núna, kaupa mér kort og koma mér aftur í form. Manni líður svo svakalega vel þá. Þannig ég segi þetta bara gott.

Sjáumst krakkar mínir
ElínÖsp

Sæl og blessuð!
Nei sko hún Svava Lind ætlar að blogga.

Verslunarmannahelgin
Eftir Svövu Lind Jóhannsdóttur

Brynja = Fer á fimmtudaginn á Unglingalandsmótið á Laugum. Svo ætlar hún líka að kíkja til Akureyrar á hann Helga sinn + auðvitað river raftingið á mánudeginum!

Elín = Innipúkinn + kristilegt mót. Síðan fer hún til Tyrklands á þriðjudeginum að ég best veit!!

Sandra = ??? Kannski Unglingalandsmótið á Laugum.

Svava = Unglingalandsmótið á Laugum, fer á föstudeginum og verð fram á sunnudag en fer í river rafting á mánudeginum! Kíkir kannski líka e-ð til Akureyrar.

(Leiðréttið mig ef eitthvað er vitlaust)

Húsið og ég

Húsið er að gráta alveg eins og ég.
Dar-ra-ra-ra-ra, o-ó.
Það eru tár á rúðunni
sem leka svo niður veggina.
Gæsin flýgur á rúðunni,
eða er hún að fljúga á auganu á mér?
Ætli húsið geti látið sig dreyma,
ætli það fái martraðir?

Hárið á mér er ljóst, þakið á húsinu grænt,
ég Íslendingur, það Grænlendingur.

Mér finnst rigningin góð,
la-la-la-la-la, o-ó.
Mér finnst rigningin góð,
la-la-la-la-la, o-ó.

Einu sinni fórum við í bað og ferðuðumst til Balí.
Við heyrðum í gæsunum og regninu.

Það var í öðru húsi, það var í öðru húsi,
það var í öðru húsi, það á að flytja húsið í vor.

Mér finnst rigningin góð ...

Grafík

Fréttir

• Klukkan er 6. Nú verða lestnar fréttir.
• Ég skráði mig í glímu og skák (+ frjálsar) á unglingalandsmótinu. Ég ætla hiklaust í skákið en ætla aðeins að kanna aðstæður í glímunni áður en ég tek endanlega ákvörðun.
• Brynja og Helgi ástfangin
• Elín og Boði ástfangin
• Sandra og Svava ástfangnar (ekki misskilja samt)
• Elín er að fara til Tyrklands eftir helgi með Boða og öðrum vinahjónum þeirra.
• Sandra er endanlega komin heim úr sveitinni og er að fara á samning hjá Nordica Hotel!!! flottur Sandra
• Frjálsar eru að fara í river rafting á mánudaginn næsta.
• Það er alltof heitt úti. Ég er samt alveg smá að fíla þetta.
• Viðvörun hefur borist um hættulega manneskju í umferðinni milli kl. 16:30 og 17:30 í dag.
• Alexander er veikur og er á sjúkrahúsi.
• Ég er ekki búin að sjá Elínu of lengi og Söndru allt of lengi.
• Fleira var ekki í fréttum að sinni. Fréttir verða aldrei aftur lesnar. Takk fyrir.

Svava, Sandra, Elín og Brynja

Hlynur, Halldór, Frikki, Mummi,
Svava, Brynja, Elísa og Elín

Ein af söndru því hún fékk ekki að vera með á seinustu mynd

Sú síðasta er af mér, því ég er svo falleg

Takk fyrir mig
-Litli bloggarinn

Sælar

Ég er svo stolt af mér! Í morgun hringdi Brynja og bað mig um að hjóla með sér niðrí Laugardal. & vitiði ég sagði JÁ og ég, Yrja og Brynja lögðum af stað um 12:15 og vorum komnar áður en að Svava átti að keppa. Þetta var langt en gaman! Mæli sko með þessu. Svava bætti sig held ég í 200 m í dag, hljóp á 28,29 held ég? Flott hjá þér.

Ég er að fara á SigurRós tónleika í kvöld, frítt á þá í Miðtúni.

Sælar

-9 dagar í Tyrkland-

Góða Kvöldið,

Í morgun hringdi ég í Svövu klukkan 11:30. Það hefði ég  nú ekki átt að gera þar sem Svava var sofandi og var sko ekki til í smá spjall! Alla vegana reyndi ég svo aftur klukkutíma síðar og það gekk svona líka vel. Ég, Svava og Sandra ákváðum að fara í bæinn um 2. Við fórum í smáralindina þar sem Svava og Sandra keyptu sér alveg eins bol (það er nú reyndar ekkert nýtt) og eitthvað gaman. Sandra varð svo alveg óð í tívolíið þannig á endanum náði hún að draga okkur hinar 2. Við fórum í FreakOut tækið og það var geiðveikt! Shit hvað þetta var gaman. Svo fórum við eða ég að kaupa ís í Álfheima-ísbúðinni, nei ég meina fáka- eða faxafeni. Svo vissum við bara ekkert hvað við áttum að gera af okkur meira svo að við enduðum í Nauthólsvík. Það var ÆÐI, sátum í grasinu að spjalla og ótrúlega gott veður. Yndislegt. Svo var ferðinni bara haldið heim og ég fór til bróður míns í mat og við horfðum á HM þar sem Ítalía vann Frakka í vító. Þetta var nú meira hvað var Zidane að spá?

Þetta var frábær ess dagur! Verðum að endurtaka þetta. Línuskautar í Nautó? Þokkalega!

Stelpur mínar mig langar að biðja ykkur að blogga kannski?

Ég nenni eilega ekki að blogga, sjáumst.

-Tyrkland eftir 4 vikur-

Hæ sæta fólk.

Núna er Goggi á fullu allt að gerast. Ekkert voðalega skemmtilegt enn þetta er í góðu. Brynja kom heim á mánudaginn frá Noregi, það gekk víst ekki alltof vel þarna úti en það kemur bara næst! Að mínu mati stóðstu þig vel, til hamingju.
Svava er komin í góða vinnu núna, hjá krabbameinsfélaginu. Hún svarar í símann og eitthvað svoleiðis.

Á Sunnudaginn skelltum ég, Sandra og Svava okkur í bíó á She's the man. Mér fannst hún ekkert smá fyndin. Haha "strákurinn" var alltaf svo aulalegur og auðvitað svaka rómó endir, hver bjóst ekki við því? Alla vegana góð mynd bara. Núna langar mig að sjá eitthvað lucky, man ekki hvað hún heitir. Líka svona stelpumynd. Ég er öll í þeim.

Ég er rosa fín núna, er að fara í brúðkaup. Ég fer í 3 brúðkaup núna í sumar. Eitthvað svaka í tísku núna að gifta sig.

Já ætlaði bara að skella inn einu bloggi. Farin í brúðkaup.

Bæ sæta fólk.

Hæm

Ótrúlega gaman. Á föstudaginn hélt Brynja afmælið sitt. Það var rosa gaman. Ég kom reyndar svoldið seint. En það var kjúklingasalat á boðstólum og popp og svona. Svo var farið í singstar og rifjað upp gamlar minningar. Við gáfum Brynju rosa töff gjöf, kjól, hálsmen og sólgleraugu. Jám eftir það fór ég að hitta músur og svo bara lúlla.

Elín; "Meina á næsta ári verðuru komin með stúdentspróf, getur fengið þér einhverja betri vinnu skiluru!"
Svava; (mjög hugsi) "Já kannski get ég fengið vinnu á bókasafninu!"

HAHA

Á laugardaginn hringdi ég í svövu og samtalið hljómaði svona;
Elín; Hæm
Svava; Hæm
Elín; hvað ertu að gera?
Svava; um, ekkert. Ertu að fara á æfngu? (svona eins og ég væri að biðja hana um að koma með mér)
Elín; neeee, meira svona kaupa nammi með mér.
Svava; jáá okay, ég er til.

Við sem sagt keyptum okkur nammi fyrir 600 kr á 50% afslætti og það endaði nú bara með illt í maga.

En Brynja endilega settu inn myndirnar sem við tókum!

kv. elín ösp

Hún á afmæli í dag,
hún á afmæli í dag,
hún á afmæli hún Brynja,
hún á afmæli í dag.

Hún er 17 ára í dag,
hún er 17 ára í dag,
hún er 17 ára hún Brynja
hún er 17 ára í dag.

VEI

Til hamingju með afmæli engillinn okkar, við elskum þig!

>

kv. ess.

Góðan daginn

Ég ætlaði bara að skella inn stuttu bloggi vist að ekkert gerist hérna, efast líka um að hún Brynja standi við loforðið sitt.
En næstu helgi erum við stelpurnar fyrir utan Söndru að fara í æfingarbúðir á Vík eða í Vík, ég veit ekki hvort maður segir. Já það verður örugglega fínt. Brynja með styrkinn? Já ég er ekki viss hvort við förum með rútu eða ég á bíl. Erum ekki alveg búnar að ræða það. Væri samt geiðveikt gaman að ég færi á bíl, bara roadtrip og allt.

En Brynja og Sandra eru búnar að vera að keppa um helgina. Ég vil óska þeim báðum til hamingju og sérstaklega Brynju þar sem að stelpan náði lágmarki á NM sem er eitthvað norðurlandamót í þraut. Ekkert smá stolt af henni. Brynja, ég er að springa úr stolti af þér! Ótrúlega flott hjá þér. Já ég ætla líka að koma því á framfæri að ég fór að horfa á Söndru en komst því miður ekki að sjá Brynju gera góða.

En segi það gott, sjáumst!

 Sælar stúlkur

 Í þessum skrifuðu orðum er hún elín okkar í endajaxlatöku. Þetta er ekkert smá dæmi, þarf að skera báðum megin og svo verður hún rúmliggjandi í nokkra daga og kemst ekki á æfingu né neitt. Svo við verðum að vera duglegar að fara og heilsa upp á hana svo hún drepist nú ekki úr leiðindum.

 En annars er ég bara í vinnunni núna, upp á leikskóla, og á 5 mínútur eftir af kaffinu mínu. Svo ég ætla ekki að hafa þetta lengra, ákvað bara að blogga aðeins þar sem elín var að tala um hvað við værum óvirkar hérna.

 En ég lofa að skrifa fljótlega aftur,
 kv.Brynja hamingjusama